პრემიერობის კანდიდატზე გადაწყვეტილება ხვალ გაჟღერდება

თბილისი (BPI) – კითხვა ვინ დაიკავებს პრემიერის პოსტს კვლავ აქტუალურია. სხვადასხვა მედია საშუალებების გიორგი გახარიას კანდიდატურაზე აქტიურად საუბრობენ.

მამუკა ბახტაძე, რომელმაც დღეს დილით გადადგომაზე განცხადებას სოციალურ ქსელში გაავრცელა, მედიასთან შეხვედრაზე აცხადებს, რომ ხვალ დილით იქნება შეხვედრა პარტიის ოფისში და იქ გაჟღერდება გადაწყვეტილება.

მისი თქმით, აღნიშნულ საკითხთან დაკავშირებით კონსულტაციები გრძელდება და საბოლოო გადაწყვეტილება ხვალ გახდება ცნობილი.

„ბუნებრივია, დღეს ეს არის საკმაოდ აქტუალური თემა, ვინ იქნება ახალი პრემიერ-მინისტრობის კანდიდატი. უფრო მეტიც, გიდასტურებთ, რომ არა მხოლოდ მქონდა კონსულტაციები, არამედ დღესაც გვექნება და ხვალ დილით საბოლოო პოზიცია იქნება. ჩვენ ხვალ დილითაც ვიკრიბებით.  ჩემი მხრიდან არაკორექტული იქნება საუბარი კონსულტაციის შინაარსზე, აქედან გამომდინარე, ნუ გავუსწრებთ მოვლენებს“, – განაცხადა მამუკა ბახტაძემ.

 

შემთხვევითი სიახლე

ენერგეტიკის სასწავლო ცენტრი და იუნისეფი იწყებენ თანამშრომლობას განახლებადი ენერგიის, კლიმატის ცვლილებისა და ჰაერის დაბინძურების პრობლემების გადაჭრის მიზნით

გაეროს ბავშვთა ფონდის (UNICEF) მხარდაჭერით საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულ ელიზბარ …