პირდაპირი უცხოური ინვესტიციების მოცულობა შემცირებულია

თბილისი (BPI) – საქართველოში პირდაპირი უცხოური ინვესტიციების მოცულობა შემცირებულია.

“საქსტატის” წინასწარი მონაცემებით, ინვესტიციების მოცულობა 2019 წლის I კვარტალში 281.1 მლნ დოლარია, 2018 წლის I კვარტალის წინასწარ მონაცემებზე 6.3%-ით ნაკლები.

შემცირების გამომწვევ ძირითად მიზეზებს შორის “საქსტატი” მაგისტრალური გაზსადენის მშენებლობის პროექტის დასრულებას და რამდენიმე საწარმოს საქართველოს რეზიდენტის საკუთრებაში გადასვლას ასახელებს.