„მტკვარი ჰესი“ ექსპლუატაციაში 2020 წელს შევა

11/02/2019 1,411 ნახვა

თბილისი (BPI) – „მტკვარი ჰესი“, რომლის დადგმული სიმძლავრე 53 მგვტ, საშუალო წლიური გამომუშავება კი 251.5 მლნ კვტ.სთ იქნება, ექსპლუატაციაში 2020 წელს შევა.

როგორც 1tv-სთან თანაინვესტირების ფონდის ხელმძღვანელმა, გიორგი ბაჩიაშვილმა განაცხადა, პროექტის 75 პროცენტი უკვე განხორციელებულია.

„მტკვარი ჰესი“ ერთ-ერთი ენერგეტიკული პროექტია, რომელსაც თანაინვესტირების ფონდი ახორციელებს.

მისივე თქმით, თითქმის სრულად აშენებულია სათავე ნაგებობა და შენობები, უკვე გაყვანილია 7,8 კმ სიგრძის გვირაბი, დარჩენილია 2 კილომეტრი.

„თანაინვესტირების ფონდმა“ „მტკვარი ჰესის“ საინვესტიციო პროექტი 2016 წელს წარადგინა. საინვესტიციო მოცულობა $131 მლნ-ია, სამცხე-ჯავახეთის მხარეში, ახალციხისა და ასპინძის მუნიციპალიტეტებში, მდინარე მტკვარზე ხორციელდება.

შემთხვევითი სიახლე

ენერგეტიკულ ბირჟაზე ვაჭრობით მონაწილეებმა საშუალოდ 400 000 ლარი დაზოგეს – დავით ნარმანია

კონკურენციის პოლიტიკის აღსრულების და მომხმარებლის უფლებების დაცვის შესახებ III საერთაშორისო კონფერენციაზე საქართველოს ენერგეტიკისა და წყალმომარაგების …