კომერსანტი: დაზღვევის ზედამხედველობას დავით ონოფრიშვილი უხელმძღვანელებს

თბილისი (BPI) – „კომერსანტის“  ექსკლუზიური ინფორმაციით, დაზღვევის ზედამხედველობის სამსახურის უფროსის თანამდებობაზე „თავისუფალი დემოკრატების“ ეკონომიკური საბჭოს თავმჯდომარე, ყოფილი ფინანსთა მინისტრი, პარლამენტის საფინანსო-საბიუჯეტო კომიტეტის ყოფილი თავმჯდომარე დავით ონოფრიშვილი ინიშნება. 

ინფორმაცია „კომერსანტს“ უკვე დაუდასტურეს საქართველოს პარლამენტში და მთავრობის კანცელარიაში. 

დავით ონოფრიშვილმა დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური და სოციალური გეოგრაფიის სპეციალობით 1984 წელს, 1991 წელს რუსეთის სახალხო მეურნეობის პროგნოზირების ინსტიტუტის ასპირანტურა, 1994 წელს კოლუმბიის უნივერსიტეტი (ნიუ-იორკი).

1984-1991 წლების მანძილზე ეწეოდა სამეცნიერო და პედაგოგიურ საქმიანობას. 1992-93 წლებში მუშაობდა ფინანსთა სამინისტროსა და საქართველოს მინისტრთა კაბინეტში. 1994-95 წლებში ონოფრიშვილი მუშაობდა მსოფლიო ბანკის ექსპერტ-კონსტულტანტად საქართველოს სოფლის მეურნეობის განვითარების და წაგებიან საწარმოთა რესტრუქტურიზაციისა და პრივატიზაციის პროექტებზე.

კომერსანტი