Business Political Insights BPI.GE
საქართველოს ეროვნული ბანკის პრეზიდენტმა, კობა გვენეტაძემ საქართველოში ნიდერლანდების სამეფოს ელჩს, მააიკე ვან კოლდამს ეროვნული ბანკის სათავო ოფისში უმასპინძლა.
გაცნობითი ხასიათის შეხვედრაზე მხარეებმა ქვეყნის ეკონომიკური ვითარება, არსებული გამოწვევები, გლობალური რისკ ფაქტორები და საერთაშორისო ბაზრებზე არსებული ვითარება განიხილეს. საუბარი შეეხო რეგიონულ და გეოპოლიტიკურ რისკებს და შესაძლო ზეგავლენას საქართველოს ეკონომიკაზე.
კობა გვენეტაძემ დეტალურად ისაუბრა ქართულ ფინანსურ სექტორზე და იმ საგანგებო ნაბიჯებზე, რომელიც ეროვნულმა ბანკმა ამ პერიოდში გადადგა და რომლის შედეგადაც საქართველოს საფინანსო სისტემამ სირთულეებს თავი წარმატებით გაართვა.
ამასთან, მხარეებმა ორ ქვეყანას შორის არსებულ პარტნიორობასა და სამომავლო თანამშრომლობის პერსპექტივებზე იმსჯელეს.
