ირაკლი ლექვინაძე: ბიზნესის ინტერესების დაცვა საერთო სასამართლოებში მიმდინარე დავებშიც შეგვიძლია

თბილისი (BPI) – „უკვე შეგვიძლია ბიზნესის ინტერესები საერთო სასამართლოებში მიმდინარე დავებშიც დავიცვათ“ – ამის შესახებ ბიზნესომბუდსმენმა ირაკლი ლექვინაძემ სახელმწიფო და ადგილობრივი ხელისუფლების ინსტიტუციური დიალოგის   ფორუმზე სიტყვით გამოსვლისას განაცხადა.

 კანონიერ ძალაში შევიდა და ამოქმედდა „საქართველოს ბიზნესომბუდსმენის შესახებ“  კანონში ცვლილება,  რომლიც მიხედვითაც რომლის მიხედვითაც ბიზნესომბუდსმენი უფლებამოსილი ხდება საერთო სასამართლოების სისტემაში მიმდინარე ადმინისტრაციულ დავებშიც შეასრულოს სასამართლოს მეგობრის (Amicus Curiae) ფუნქცია.  

 ირაკლი ლექვინაძის თქმით, ამ დრომდე ბიზნესომბუდსმენის აღნიშნული ფუნქციის გამოყენების შესაძლებლობა მხოლოდ საკონსტიტუციო სასამართლოში ჰქონდა.

„ჩვენი ანალიზის მიხედვით ბიზნესისთვის ერთ-ერთ მთავარ პრობლემურ საკითხად რჩება  გაჭიანურებული სასამართლო პროცესები. სწორედ აქედან გამომდინარე, არასამთავრობო ორგანიზაციებისა და კერძო სექტორის მხრიდან  გაჩნდა ინიციატივა, რომ ბიზნესის ინტერესების გასაძლიერებლად და ამ მიმართულებით სასამართლოს ეფექტიანობის გასაზრდელად გაფართოებულიყო  ბიზნესომბუდსმენის სასამართლოს მეგობრის ფუნქცია. კანონში შესული ცვლილებით ბიზნესომბუდსმენის აპარატს  უკვე აქვს შესაძლებლობა საერთო სასამართლოებში ადმინისტრაციულ ორგანოებთან მიმდინარე დავაში ბიზნესის პოზიციების გასაძლიერებლად   გააგზავნოს დასკვნა ან საჭიროების შემთხვევაში მიავლინოს იურისტი.“ – განაცხადა ირაკლი ლექვინაძემ.