თქვენც ამჩნევთ მსგავსებას ამ ორ სასაქონლო ნიშანს შორის?

საქპატენტთან არსებულ სააპელაციო პალატაში დასრულდა დავა Coca-Cola vs Cacaolat, მსოფლიოში საყოველთაოდ ცნობილი „კოკა-კოლას“ მწარმოებელი, ამერიკული კომპანია The Coca-Cola Company-ს სასარგებლოდ.

კომპანიამ გაასაჩივრა საქპატენტის მიერ კომპანია GRUPO CACAOLAT-ის სასაქონლო ნიშნის Cacaolat-ის რეგისტრაციის თაობაზე გამოტანილი დადებითი გადაწყვეტილება. The Coca-Cola Company-მ დაასაბუთა, რომ საქართველოში მისი სასაქონლო ნიშანი საყოველთაოდ ცნობილია, აქვს კარგი რეპუტაცია და სადავო ნიშნის გამოყენება ესპანურ კომპანიას დაუმსახურებლად შეუქმნიდა ხელსაყრელ პირობებს, კოკა-კოლას სასაქონლო ნიშნის რეპუტაციას კი ზიანს მიაყენებდა.

საქმის განხილვისას სააპელაციო პალატის კოლეგიამ დაადგინა, რომ ნიშნებს შორის არსებობს ვიზუალური და ფონეტიკური მსგავსებები, რაც საყოველთაოდ ცნობილობის გათვალისწინებით მათ შორის აღრევას გამოიწვევდა. გარდა ამისა, კოლეგიის გადაწყვეტილებით ნიშანი Cacaolat-ი, მომხმარებელს ადვილად მოაგონებს სასმელს კოკა-კოლა და დაადგენს კავშირს ამ ორ ნიშანს შორის. შესაბამისად, ესპანური კომპანიის სასაქონლო ნიშნის – cacaolat რეგისტრაცია გაუქმდა, Coca-Cola კი – აღიარებულ იქნა საყოველთაოდ ცნობილ ნიშნად.

სააპელაციო პალატის გადაწყვეტილების გასაცნობად გადადით შემდეგ ბმულზე: https://tinyurl.com/2p95np9r