თიბისიში ფულადი გზავნილის კონვერტაცია საუკეთესო კურსითაა შესაძლებელი

თიბისიში ფულადი გზავნილების კონვერტაციაზე საუკეთესო კურსი მოქმედებს.

მომხმარებლები, რომლებიც გზავნილს თიბისის ფილიალში, მობაილ ან ინტერნეტბანკით გაანაღდებენ, გამოგზავნილი თანხის ქვეყანაში საუკეთესო კურსით კონვერტაციას შეძლებენ. შეთავაზება მოქმედებს ნებისმიერი ვალუტის და ნებისმიერი სისტემის საშუალებით მიღებულ გზავნილებზე.

„თიბისის მისია ადამიანების ცხოვრების გამარტივებაა. წელიწადზე მეტია, თიბისი მომხმარებლებს ფილიალში მისვლის გარდა, ფულადი გზავნილის სახლიდან გაუსვლელად – ინტერნეტ და მობაილ ბანკის საშუალებით მიღების შესაძლებლობას აძლევს. ვფიქრობ, კონვერტაციის საუკეთესო კურსის შეთავაზება ძალიან მნიშვნელოვანია როგორც მათთვის, ვინც გზავნილს იღებს, ისე, საზღვარგარეთ მცხოვრები მოქალაქეებისთვის, რომლებიც თანხას ახლობლებს უგზავნიან,“- თამუნა ჟიჟილაშვილი, თიბისის გადახდების განვითარების ლიგის ლიდერი.

ფულადი გზავნილების შესახებ დეტალური ინფორმაციის მიღება შესაძლებელია ბმულზე