Business Political Insights BPI.GE
თბილისი (BPI) – თბილისსა და ტაშკენტს შორის პირდაპირი ავიარეისების დანიშვნა განიხილება.
საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა უზბეკეთის მხარესთან დეტალებზე იმსაჯელა. შეთანხმებისამებრ სამომავლოდ ავიარეისების დანიშვნაზე კონსულტაციები კომპეტენტურ უწყებებს შორის გაგრძელდება.
აღსანიშნავია, რომ თბილისსა და ტაშკენტს შორის პირდაპირი ავიარეისები ბოლო ათწლეულის განმავლობაში არ განხორციელებულა.
უზბეკეთის მხარე დაინტერესებულია, რომ საქართველოს სატრანსპორტო და სატრანზიტო შესაძლებლობები მაქსიმალურად იყოს ათვისებული. გამოითქვა სურვილი განვითარდეს თანამშრომლობა მრეწველობის და ვაჭრობის სფეროებში, ასევე, უზბეკეთის მთავრობა დაინტერესებულია ტურიზმის სფეროში საქართველოს წარმატებული გამოცდილების გაზიარებით.
