ვახუშტის ხიდი კვირას ორმხრივად გადაიკეტება

თბილისი (BPI) – ვახუშტის ხიდის სარეკონსტრუქციო სამუშაოების მიზნით, ხვალ დილის 09:30-დან 11:30 საათამდე ტრანსპორტის მოძრაობა ორმხრივად შეიზღუდება.

შესაბამისად შეიცვლება დიდუბიდან ვახუშტის ხიდის გავლით, სააკაძის მოედნისკენ მოძრავი ავტობუსებისა და მიკროავტობუსების მარშრუტები:

საზოგადოებრივი ტრანსპორტი გაივლის წერეთლისა და თამარ მეფის გამზირებს, საიდანაც გმირთა მოედანს დაუკავშირდება და მოძრაობას დადგენილი სქემით განაგრძობს.