ევროკავშირში ქართული პროდუქციის ექსპორტი 16%-ით გაიზარდა

თბილისი (BPI) – ევროკავშირის ქვეყნებში ქართულ პროდუქციაზე მოთხოვნა გაიზარდა. “საქსტატის” მონაცემებით, 2019 წლის იანვარ-ივნისში, ევროკავშირში 426.9 მლნ დოლარის ქართული პროდუქცია გავიდა, რაც 16.1%-ით მეტია, ვიდრე 2018 წლის ანალოგიურ პერიოდში. ქვეყნის მთლიანი ექსპორტის 24% სწორედ ევროკავშირზე მოდის.

იმპორტის მოცულობამ 1,084 მლრდ დოლარია, მაჩვენებელი საანგარიშო პერიოდში 10.8%-ით არის შემცირებული და მთლიანი იმპორტის 25.9 პროცენტი შეადგინა.

სავაჭრო ბრუნვამ ევროკავშირის ქვეყნებთან სულ 1,511 მლრდ დოლარი შეადგინა, შემცირებულია 4.6%-ით.

რაც შეეხება სავაჭრო დეფიციტს, 2019 წლის იანვარ-ივნისში მთლიან უარყოფით სავაჭრო ბალანსში მისი წილი 27.2 პროცენტით განისაზღვრა.

რაც შეეხება დსთ-ის ქვეყნებს, ამ შემთხვევაში საქართველოდან ექსპორტი 27,1%-ით არის გაზრდილი და 916.2 მლნ დოლარს აღწევს, ქვეყნის მთლიანი ექსპორტის 51.6%-ს შეადგენს. იმპორტის მოცულობა 1,116 მლრდ დოლარია (-15.6%), რაც მთლიანი იმპორტის 26.6%-ია. სავაჭრო ბრუნვამ დსთ-ის ქვეყნებთან 2,032 მლრდ დოლარი შეადგინა (-0.5%). რაც შეეხება სავაჭრო დეფიციტს, 2019 წლის იანვარ-ივნისში, მისი წილი მთლიან უარყოფით სავაჭრო ბალანსში 8.3 პროცენტი იყო.

შემთხვევითი სიახლე

ენერგეტიკის სასწავლო ცენტრი და იუნისეფი იწყებენ თანამშრომლობას განახლებადი ენერგიის, კლიმატის ცვლილებისა და ჰაერის დაბინძურების პრობლემების გადაჭრის მიზნით

გაეროს ბავშვთა ფონდის (UNICEF) მხარდაჭერით საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულ ელიზბარ …