გეფერინის ჩანთები ქუვეითშიც გაიყიდება

თბილისი (BPI) – ქართული კომპანია “გეფერინის” ჩანთები ქუვეითში გავა ექსპორტზე. კომპანიამ ქუვეითურ A&M Company-თან ხელშეკრულება უკვე გააფორმა.

A&M Company ქუვეითში ერთ-ერთი უმსხვილესია, რომელიც ტყავის იმპორტირებულ პროდუქციას ქვეყნის მასშტაბით ყიდის.

სააგენტოს ,,აწარმოე საქართველოში“ ხელშეწყობით, კომპანია ,,გეფერინმა“ საერთაშორისო კომპანიასთან ბიზნესკავშირები ჰონგ-კონგის ყოველწლიურ გამოფენაზე APLF დაამყარა.

გამოფენაში მონაწილეობით, ქართულმა კომპანიამ მეორე წარმატებული საექსპორტო ხელშეკრულება გააფორმა. 2018 წელს, სწორედ ამ ღონისძიების შედეგად, კომპანიას „გეფერინი“ და  InterBlock Hong Kong Limited-ს შორის წარმატებული კონტრაქტი გაფორმდა, რომლის ფარგლებშიც ქართულმა კომპანიამ ჰონგ-კონგის ერთ-ერთ ყველაზე ცნობილ სავაჭრო ცენტრში კუნძულის ტიპის მაღაზია გახსნა.