Business Political Insights BPI.GE
თბილისი (BPI) – პროექტის „100 საინვესტიციო შეთავაზება ბიზნესს“ ფარგლებში 48,774 მლნ ლარის 45 ობიექტი გაიყიდა.
პროექტი 2019 წლის ნოემბრიდან ამოქმედდა.
აუქციონებზე გასაყიდი ქონების საერთო საწყისი ღირებულება 150 მილიონი ლარია. პროექტის განხორციელების შედეგად, მთავრობის გათვლებით 2500 ახალი სამუშაო ადგილი შეიქმნება, მოსალოდნელი ინვესტიციის მოცულობა კი დაახლოებით 200 მლნ ლარი იქნება.
სახელმწიფო ქონების ეროვნული სააგენტო ყველა დაინტერესებულ პირს გამარტივებულ პროცედურას სთავაზობს გამზადებული საინვესტიციო პაკეტებით.
