ბათუმში, აგვისტოში ყველაზე გაყიდვადი მედიუმ და ეკონომ სეგმენტის ბინები იყო

Colliers Georgias-ს საცხოვრებელი ბინების ბაზრის სტატისტიკის მიხედვით, 2022 წლის აგვისტოში, ბათუმში, საცხოვრებელი ბინების ტრანზაქციების რაოდენობა გასული წლის აგვისტოსთან შედარებით 47%-ით 1 566 ერთეულამდე, ბაზრის ზომა კი 48%-ით, 66 მილიონ აშშ დოლარამდე გაიზარდა.

Recov.ge-ს განახლებული მონაცემებით, აგვისტოში ახალაშენებული ბინების ტრანზაქციების რაოდენობა 45%-ით გაიზარდა, ძველ ბინებზე კი 70%-იანი ზრდა დაფიქსირდა.

„ბათუმში 2022 წლის აგვისტოში ტრანზაქციების რაოდენობა 15%-ით გაიზარდა ახალაშენებული ბინების პრემიუმ სეგმენტში და 259 ერთეული შეადგინა, მაშინ როცა მედიუმ და ეკონომ სეგმენტებში 59% და 51%-იანი ზრდა დაფიქსირდა“, – წერია განახლებულ სტატისტიკაში.

რაც შეეხება ზღვისპირა ქალაქში საცხოვრებელი ბინების ფასებს, მიმდინარე წლის აგვისტოში ახალაშენებული ბინების საშუალო შეწონილი ფასი უმნიშვნელოდ, 3%-ით გაიზარდა და კვ.მ-ზე 822 აშშ დოლარი შეადგინა. ძველ ბინების შემთხვევაში კი 18%-იანი ზრდა დაფიქსირდა და მაჩვენებელი კვ.მ-ზე 707 დოლარს გაუტოლდა.

წყარო: bm.ge