აშშ-მა კარიბის ზღვაში ვენესუელასთან დაკავშირებული „ჩრდილოვანი ფლოტის“ კიდევ ერთი ტანკერი დააკავა

შეერთებულმა შტატებმა კარიბის ზღვაში ვენესუელასთან დაკავშირებული „ჩრდილოვანი ფლოტის“ კიდევ ერთი ტანკერი დააკავა. როგორც სამხრეთ სარდლობის მიერ გავრცელებულ განცხადებაშია ნათქვამი, ტანკერი „ვერონიკა“ ინციდენტების გარეშე დააკავეს.

მედიის ინფორმაციით, გაიანის დროშით მცურავ ტანკერს რუსული გადამზიდავი კომპანია მართავს. ბოლო ერთი თვის განმავლობაში ეს მეექვსე გემია, რომლის დასაკავებლად შეერთებულმა შტატებმა ოპერაცია ჩაატარა.