იანვარ-მარტში საქართველოს რკინიგზაზე სატვირთო გადაზიდვები 7.3%-ით გაიზარდა

22/04/2021 692 ნახვა

თბილისი (BPI) – საქართველოს რკინიგზის სატვირთო გადაზიდვების მაჩვენებლები იზრდება.

კომპანიის ცნობით, 2021 წლის პირველ სამ თვეში გადაზიდული ტვირთების მოცულობა 2020 წლის იმავე პერიოდთან შედარებით 7.3%-ით, შემოსავალი სატვირთო გადაზიდვებიდან კი 14%-ით გაიზარდა.

2021-ში 2020 წელთან შედარებით ნავთობპროდუქტების გადაზიდვა 33%-ით არიოს გაზრდილი, მისგან მიღებული შემოსავალი კი 42%-ით.

რაც შეეხება საკონტეინერო გადაზიდვებს, კომპანია აცხადებს, რომ მაჩვენებლები აქაც ზრდადია.

2021 წლის პირველ სამ თვეში წინა წელთან შედარებით საკონტეინერო გადაზიდვებში 3.5%-იანი ზრდაა, მიღებულმა შემოსავალმა კი 8%-ით მოიმატა.

აღსანიშნავია, რომ 2021 წლის პირველი კვარტლის შედეგები ბოლო 6 წლის განმავლობაში რეკორდული მაჩვენებელია.

შემთხვევითი სიახლე

ლონდონის საფონდო ბირჟა: ვულოცავთ საქართველოს 500 მილიონი აშშ დოლარის ოდენობის 5-წლიანი ობლიგაციების ტრანზაქციის წარმატებულ განხორციელებას

საქართველოს მთავრობის მიერ 500 მლნ აშშ დოლარის ოდენობის ევროობლიგაციების წარმატებულ გამოშვებას ეხმაურება ლონდონის საფონდო ბირჟა. …