ეკონომიკისა და მდგრადი განვითარების სამინისტრო ე.წ. რიყის დოქების გაყიდვას კიდევ ერთხელ შეეცდება

ეკონომიკისა და მდგრადი განვითარების სამინისტრო ე.წ. რიყის დოქების გაყიდვას კიდევ ერთხელ შეეცდება. უკვე ცნობილია, რომ ობიექტის საწყისი ღირებულება ამჯერად10 მლნ ლარამდე იქნება. ეკონომიკისა და მდგრადი განვითარების მინისტრის ლევან დავითაშვილის თქმით, აუქციონში გამარჯვებულს 20 მლნ-მდე ინვესტიციის განხორციელება მოუწევს.

“აუქციონის საწყისი ფასი 10 მლნ ლარი იქნება. პირობა არის რომ მინიმუმ 20 მლნ ლარის ოდენობის ინვესტიცია უნდა განახორციელდეს. შესაბამისად, მონაწილემ შესაბამისი გარანტიები უნდა წარმოადგინოს. მეორე მნიშვნელოვანი პირობაა, რომ გვინდა სწრაფად მივიღოთ შედეგები და არაუმეტეს სამი წლის განმავლობაში უნდა განხორციელდეს აუქციონის პირობებით განსაზღვრული ობიექტების მშენებლობა. მათ შორის იმ ინვესტიციების განხორციელება, რაც ამ პირობით არ მოცემული. ეს იქნება არანაკლებ 20 მლნ ლარი, თუმცა იმ მასშტაბის პროექტების განხორციელებას, რომელზეც დაინტერესებული პირები საუბრობენ, მეტი რესურსი დასჭირდება. საუბარია ისეთი ამბიციური პროექტების განხორციელებაზე როგორებიცაა ქართული ღვინის და ციფრული ხელოვნების მუზეუმები და სხვა სივრცეები”,- განაცხადა ეკონომიკისა და მდგრადი განვითარების მინისტრმა.

 

შემთხვევითი სიახლე

Maersk-მა შუა დერეფნის სარკინიგზო მომსახურება დაიწყო, მატარებელი ფოთის საზღვაო ნავსადგურმა მიიღო

სატრანსპორტო სფეროში მომხმარებელთა საჭიროებების საპასუხოდ, Maersk-მა მომხმარებლებს ახალი სარკინიგზო-საზღვაო მომსახურება შესთავაზა, რომელიც აზიას და ევროპას ცენტრალური …