YanAir Airlines-ი კიევიდან ბათუმის მიმართულებით რეისებს ბორისპოლის აეროპორტიდან განახორციელებს

18/02/2019 1,363 ნახვა

თბილისი (BPI) – უკრაინული ავიაკომპანია YanAir Airlines-ი კიევიდან ბათუმის მიმართულებით რეისებს ბორისპოლის საერთაშორისო აეროპორტიდან (KBP) 6 აპრილიდან განახორციელებს. თუმცა მანამდე ავიაკომპანია კიევიდან ბათუმის მიმართულებით რეისებს ისევ კიევის საერთაშორისო აეროპორტიდან (IEV) შეასრულებს.

YanAir Airlines-ის ინფორმაციით, 6 აპრილიდან ავიაკომპანია კიევი-ბათუმი-კიევის მარშრუტზე ოპერირებას კვირაში ორი სიხშირით, ყოველ ოთხშაბათსა და კვირას განახორციელებს, ხოლო 1-ელი ივნისიდან ფრენების სიხშირეს გაზრდის და კვირაში 7 სიხშირით იფრენს.

აღნიშნულის შესახებ ინფორმაცია ავიაკომპანიამ Facebook-ის საკუთარ გვერდზე უკვე განათავსა, სადაც აღნიშნულა, რომ ბილეთის ღირებულება მოიცავს: 7 კგ ხელბარგს, 23 კგ ჩასაბარებელ ბარგს და კვებას.

აღსანიშნავია, რომ ზაფხულის სანავიგაციო პერიოდში YanAir Airlines-ი ბათუმის მიმართულებით ფრენებს უკრაინის სხვადასხვა ქალაქებიდანაც გეგმავს.

YanAir Airlines-ის კიევიდან ფრენებს განახორციელებს თბილისის მიმართულებითაც.

შემთხვევითი სიახლე

დავით ნარმანია სლოვაკეთის მარეგულირებელი უწყებისა და ეკონომიკის სამინისტროს ხელმძღვანელ პირებს შეხვდა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია სლოვაკეთის რესპუბლიკის ქსელური კომპანიების …