Stadler Rail-ის აღმასრულებელ დირექტორმა სალომე ზურაბიშვილთან საქართველოში კომპანიის საინვესტიციო გეგმები განიხილა

საქართველოს პრეზიდენტი შვეიცარიული კომპანიის Stadler Rail აღმასრულებელ დირექტორს, პიტერ სპულერს შეხვდა.
საუბარი შეეხო კომპანია Stalder Rail-ის საინვესტიციო გეგმებს საქართველოში, სარკინიგზო მატარებლების მოდერნიზაციისა და ადგილობრივი წარმოების საკითხებს.

შეხვედრისას კომპანიის აღმასრულებელმა დირექტორმა პიტერ სპულერმა ისაუბრა, მატარებლების და საჭირო ნაწილების ადგილობრივი ასაწყობი ხაზის შექმნის შესაძლებლობაზე, რაც მნიშვნელოვნად შეუწყობს ხელს მატარებლების პარკის მოდერნიზაციას, სარკინიგზო მომსახურების ხარისხის გაუმჯობესებას, სპეციალისტთა კვალიფიკაციის ამაღლებას და ადგილობრივი სპეციალისტების დასაქმებას.

პრეზიდენტი მიესალმა საქართველოს მიმართ გამოცდილი კომპანიის ინტერესს და აღნიშნა, რომ მაქსიმალური ძალისხმევა უნდა იქნას გაწეული იმისათვის, რომ მოვიზიდოთ მეტი უცხოური ინვესტიცია, მათ შორის ევროპული ბაზრებიდან.

კომპანია Stalder Rail-ი 80 წლიანი გამოცდილების მქონე უმსხვილესი შვეიცარიული კომპანიაა, რომელიც სხვადასხვა ტიპის სამგზავრო და სატვირთო მატარებლებს აწარმოებს.

შემთხვევითი სიახლე

ისრაელსა და ქუთაისს შორის პირდაპირი ავიამიმოსვლის დაწყების მიზნით საქართველოს აეროპორტების გაერთიანებამ თელ-ავივში შეხვედრები გამართა

2023 წლიდან თელ-ავივიდან, ქუთაისის საერთაშორისო აეროპორტში ფრენების დაწყების მიზნით საქართველოს აეროპორტების გაერთიანების დირექტორმა ისრაელში მაღალი …