SOCAR-ის ვიცე-პრეზიდენტი: სოკარ ჯორჯიას შესანიშნავი პარტნიორობა აქვს ხელისუფლებასთან

თბილისი (BPI) – საქართველოში სოკარ ჯორჯია წარმოდგენილია მისი ხელმძღვანელით მაირ მამედოვით, მათ შესანიშნავი პარტნიორობა აქვთ ადგილობრივ ხელისუფლებასთან, სახელისუფლებლო სტრუქტურებთან, – განაცხადა აზერბაიჯანის სახელმწიფო ნავთობ კომპანიის (SOCAR) ვიცე-პრეზიდენტმა, იაშარ ლატიფოვმა აბრეშუმის გზის ფორუმზე სიტყვით გამოსვლისას აღნიშნა.

თემატურ პანელზე – „ენერგეტიკის ხვალინდელი დღე – განვითარების ტენდენციები, უსაფრთხოება და მდგრადობა აბრეშუმის გზის ენერგეტიკული სარტყელის ფარგლებსა და ფარგლებს გარეთ“, SOCAR-ის ვიცე-პრეზიდენტმა აღნიშნა, რომ სოკარ ჯორჯიამ საქართველოში აბონენტების რიცხვი 750 000-მდე გაზარდა. „სოკარ ჯორჯიამ“ მომხმარებლების რაოდენობა 48%-დან 76%-მდე გაზარდა, რაც რიცხვებში  750 000 აბონენტამდეა. ჩვენ ვცდილობთ ვიყოთ საუკეთესო პარტნიორი, საუკეთესო მიმწოდებელი ორგანიზაცია“, – განაცხადა იაშარ ლატიფოვმა.

აზერბაიჯანის სახელმწიფო ნავთობკომპანიის ვიცე-პრეზიდენტმა სოკარის მიერ განხორციელებულ და მიმდინარე მსხვილ პროექტებზე ისაუბრა. ხაზი გაესვა პროფესიული კადრების მომზადების და გარემოს დაცვით პროგრამებს. „უკანასკნელი ათწლეულების განმავლობაში ხდებოდა თანხების მიმართვა საერთაშორისო ცოდნის გაღრმავებაზე, პროფესიულ განათლებაზე ბაქოს უმაღლესი ნავთობის სკოლის განვითარებაზე, ეს ქმნიდა ფუნდამენტურ  საფუძველს ადამიანური კაპიტალის გასავითარებლად. რაც შეეხება გარემოს  დაცვით საკითხს, უპრეცედენტო, მრავალმილიარდიანი ინვესტიცია განხორციელდა მიწისქვეშა რესურსების მოპოვების თვალსაზრისით. 7 ქვეყანა არის ჩართული გაზის მიწოდებაში აღმოსავლეთ ქვეყნების ბაზრებზე, ვიცით, რომ ევროპამ დაისახა ამოცანა 40%-მდე შეამციროს კარბომონოქსიდის წარმოება და გამონაბოლქვი. ვცდილობთ ხელი შევუწყოთ ამას“.- განაცხადა ლატიფოვმა.

 

შემთხვევითი სიახლე

სეს-მ ხორცის გადამამუშავებელ ბიზნესოპერატორს საწარმოო პროცესი შეუჩერა

სურსათის ეროვნული სააგენტოს თბილისის საქალაქო სამსახურის ინსპექტირების ჯგუფებმა, მიღებული შეტყობინების საფუძველზე, შეამოწმეს ქალაქ თბილისში, დ. ჟღენტის 2 ნომერში მდებარე ხორცის გადამამუშავებელი საწარმო, რომელიც საქმიანობას ახორციელებდა სურსათის ეროვნული სააგენტოს გვერდის ავლით, კანონმდებლობით დადგენილი აღიარების მინიჭების გარეშე. საწარმოში გამოვლინდა კრიტიკული  შეუსაბამობები, მათ შორის, სანიტარიულჰიგიენური ნორმების, სურსათის წარმოების ტექნოლოგიური პროცესის, ეტიკეტირებისა და მიკვლევადობის წესის დარღვევები. გარდა ამისა, ბიზნესოპერატორი საქმიანობდა ეკონომიკურ საქმიანობათა რეესტრში რეგისტრაციის გარეშე (65-ე მუხლის 1-ლი ნაწილი). …