Myway Airlines-ის კომერციულმა დირექტორმა იგორ აფციაურმა თანამდებობა დატოვა

თბილისი (BPI) – ქართული ავიაკომპანია Myway Airlines-ის კომერციულმა დირექტორმა იგორ აფციაურმა თანამდებობა დატოვა. იგორ აფციაური, რომელიც ჩინური კაპიტალით დაფუძნებული ავიაკომპანიის მაჟორიტარი მეწილეც იყო აცხადებს, რომ კომპანია საკუთარი სურვილით და დიდი გეგმებით დატოვა.

როგორც საჯარო რეესტრის მონაცემებიდან ირკვევა, დღეისათვის კომპანიის 100%-იანი წილის მფლობელი ისევ GEORGIAN HUASHUN INTERNATIONAL INDUSTRIAL INVESTMENT GROUP LTD-ია.

იგორ აფციაური ამბობს, რომ კონკრეტული ავიაკომპანია დატოვა, თორემ ავიაციის სფეროში რჩება, სადაც რამდენიმე ახალი პროექტის განხორციელებას გეგმავს მის გუნდთან ერთად.

აღსანიშნავია, რომ იგორ აფციაური გასულ წლებში მუშაობდა სამოქალაქო ავიაციის სააგენტოში, სადაც სააგენტოს დირექტორის პირველი მოადგილის პოსტი ეკავა. ასევე მუშაობდა Qatar Airways-ის და Air Baltic-ის მთავარ ოფისებში.

შემთხვევითი სიახლე

#დარჩისახლში და ისიამოვნე მუსიკით – მინერალური წყალი “ლიკანი” #SOUNDWAVE – ის სესიებს ახალი ფორმატით აგრძელებს

#მუსიკასთანახლოს შეგიძლია ერთფეროვანი დღეები გადააქციო განსაკუთრებულ წუთებად და დაიმუხტო ცოცხალი მინერალებით და მუსიკით. მინერალური წყალი …