კობა გვენეტაძე ევროკავშირის ელჩს კარლ ჰარცელს შეხვდა

საქართველოს ეროვნული ბანკის პრეზიდენტმა კობა გვენეტაძემ ევროკავშირის ელჩს, კარლ ჰარცელს ეროვნული ბანკის სათავო ოფისში უმასპინძლა. შეხვედრაზე საუბარი შეეხო უკრაინაში მიმდინარე საომარი მოქმედებების ეკონომიკურ შედეგებსა და გამოწვევებს. კობა გვენეტაძემ ელჩს  ეროვნული ბანკის მიერ გადადგმული ნაბიჯები გააცნო. კარლ ჰარცელს მიეწოდა დეტალური ინფორმაცია იმ ღონისძიებების შესახებ, რომელიც საქართველოს საფინანსო სექტორში რუსული ბანკების მიმართ დაწესებული საერთაშორისო ფინანსური სანქციების შესაბამისად გატარდა.

კობა გვენეტაძემ განაცხადა, რომ  სებ-ის მიერ გატარებული პოლიტიკის შედეგად, ფინანსურმა სექტორმა პანდემიით გამოწვეული შოკის საკმაოდ მძიმე ფაზა წარმატებით განვლო და რეგიონში შექმნილი ვითარებიდან მომდინარე პოტენციურ საფრთხეებს კაპიტალისა და ლიკვიდობის სოლიდური ბუფერებით ხვდება.

ამასთან, მხარეებმა ხაზი გაუსვეს საქართველოსა და ევროკავშირის თანამშრომლობის მნიშვნელობას და ამ თანამშრომლობის შემდგომი გაღრმავების სამომავლო პერსპექტივებზეც ისაუბრეს.

 

შემთხვევითი სიახლე

ირაკლი ლექვინაძემ პარლამენტში 2021 წლის ანგარიში წარადგინა

საქართველოს კონკურენციის ეროვნული სააგენტოს თავმჯდომარე, ირაკლი ლექვინაძემ პარლამენტში, ადამიანის უფლებათა დაცვისა და სამოქალაქო ინტეგრაციის კომიტეტის …