საქსტატი საერთაშორისო მისიას მასპინძლობს

14/06/2022 453 ნახვა

14-16 ივნისს საქართველოს სტატისტიკის ეროვნულ სამსახური ევროკავშირის მიერ დაფინანსებული პროექტის „სტატისტიკა აღმოსავლეთ პარტნიორობის ფარგლებში“ (STEP – Statistics Through Eastern Partnership) საერთაშორისო მისიას მასპინძლობს.
✅ სამდღიანი ღონისძიების მთავარი მომხსენებელია სტატისტიკის სფეროში ცნობილი ბრიტანელი ექსპერტი – მაიკ ჰიუზი, ვისი მხარდაჭერითაც შემუშავდა “ოფიციალური სტატისტიკის შესახებ” საქართველოს კანონის ახალი პროექტი.
✅ მონაწილეებს მისასალმებელი სიტყვით მიმართა საქსტატის აღმასრულებელმა დირექტორმა, გოგიტა თოდრაძემ და ქვეყანაში სტატისტიკის ძლიერი და ერთიანი ეროვნული სისტემის მნიშვნელობაზე ისაუბრა.
✅ მისიის მიზანს წარმოადგენს ოფიციალური სტატისტიკის მწარმოებელი უწყებებისთვის, სტატისტიკის ეროვნული სისტემის კოორდინაციისა და სამართლებრივი ნორმების საკითხებზე, ევროპის მოწინავე ქვეყნების გამოცდილების გაზიარება.
✅ 14-15 ივნისს სამუშაო შეხვედრები გაიმართება საქსტატის ხელმძღვანელობასთან და დარგობრივი დეპარტამენტების წარმომადგენლებთან.
✅ შეხვედრების ფარგლებში ბრიტანელი ექსპერტი ქართველ კოლეგებთან ერთად დეტალურად განიხილავს სტატისტიკის ეროვნული სისტემის კოორდინაციის პრაქტიკულ და სამართლებრივ მექანიზმებს.
✅ STEP-ი ევროსტატის მიერ ინიცირებული პირველი რეგიონული პროექტია, რომლის მიზანს წარმოადგენს აღმოსავლეთ პარტნიორობის ქვეყნებში ოფიციალური სტატისტიკის შესაძლებლობების განვითარება და გაძლიერება.

შემთხვევითი სიახლე

დავით ნარმანიამ „ეკონომიკურ ფორუმზე“ განახლებადი ენერგიების ხელშემწყობი მექანიზმების შესახებ ისაუბრა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო „ეკონომიკური ფორუმის“ …