გარემოზე ზემოქმედების შეფასების და სტრატეგიული შეფასების ფუნქციები გარემოს ეროვნულ სააგენტოს გადაეცემა

16/03/2022 573 ნახვა

“გარემოსდაცვითი შეფასების კოდექსში” ცვლილებების პროექტი მეორე მოსმენით განიხილეს და 84 ხმით მიიღეს დეპუტატებმა  დღევანდელ პლენარულ სხდომაზე.

საქართველოს გარემოს დაცვისა და სოფლის მეურნეობის მინისტრის მოადგილე, ნინო თანდილაშვილის თქმით, პროექტით განსაზღვრულია ინსტიტუციური ხასიათის  ცვლილებები. გარემოზე ზემოქმედების შეფასების და სტრატეგიული შეფასების ფუნქციები სამინისტროს ცენტრალური ადმინისტრაციიდან გადაეცემა  სამინისტროს სისტემაში შემავალ უწყებას – გარემოს ეროვნულ სააგენტოს. რაც მომხსენებლის განცხადებით მნიშვნელოვნად გაამარტივებს, უფრო ეფექტიანს და ეკონომიურს გახდის გარემოზე ზემოქმედების შეფასების სფეროში გადაწყვეტილებების მიღების პროცესს.

შესაბამისი ცვლილება ხორციელდება თანმდევ პაკეტში შემავალ კანონპროექტებშიც, სადაც  გარემოზე ზემოქმედების შეფასებასთან დაკავშირებული გადაწყვეტილების მიმღებ ორგანოდ გარემოს ეროვნული სააგენტო იქნება განსაზღვრული.

შემთხვევითი სიახლე

ოლაფ შოლცი – რუსეთის მიერ უკრაინაში ახალი ბალისტიკური რაკეტის გამოყენება სახიფათო ესკალაციაა

რუსეთის მიერ უკრაინაში ახალი საშუალო მანძილზე მოქმედი ბალისტიკური რაკეტის გამოყენება სახიფათო ესკალაციაა, – BBC-ის ინფორმაციით, …