Fitch-მა ლიბერთი ბანკის საკრედიტო რეიტინგის მოლოდინი “სტაბილურამდე” გააუმჯობესა

თბილისი (BPI) – 2021 წლის 31 მარტს, საერთაშორისო სარეიტინგო სააგენტომ Fitch Ratings-მა გამოაქვეყნა ქართული ბანკების შეფასება, სადაც სს ლიბერთი ბანკის რეიტინგის მოლოდინი “ნეგატიურიდან” “სტაბილურამდე” გააუბჯობესა, ხოლო გრძელვადიანი საკრედიტო რეიტინგი – ‘B+’ დაადასტურა.

ლიბერთი ბანკის “სტაბილური” პროგნოზი ასახავს ბანკის საკრედიტო პორტფელის მდგრადობას, მიუხედავად პანდემიისა და ქვეყნის ეკონომიკის შემცირებისა.

Fitch Ratings-ის მოლოდინით ბანკის მოგება საკმარისი იქნება პანდემიის გამო საკრედიტო ზარალის ასანაზღაურებლად, მისი ფინანსური მდგომარეობის გაუარესების რისკის გარეშე. ბანკი პანდემიის პერიოდს შეხვდა ჯანსაღი კაპიტალით და კარგი ფინანსური მაჩვენებლებით. პოზიტიური გრძელვადიანი მოლოდინი განპირობებულია ბანკისათვის დამახასიათებელი აუცილებელი სიძლიერით.

ლიბერთი ბანკი, ქვეყნის ერთ-ერთი უმსხვილესი კომერციული ბანკია. ბანკის აქტივები 3 მლრდ ლარს შეადგენს, დასაქმებულია 4 500-ზე მეტი თანამშრომელი, მთელი ქვეყნის მასშტაბით წარმოდგენილია 360-ზე მეტი მომსახურების ცენტრით, 614 ბანკომატით და ემსახურება 1.7 მილიონზე მეტ მომხმარებელს.

შემთხვევითი სიახლე

საქართველოს ბანკსა და USAID-ს შორის უერთიერთთანამშრომლობის მემორანდუმი გაფორმდა

საქართველოს ბანკსა და USAID-ის ეკონომიკური უსაფრთხოების პროგრამას შორის ურთიერთთანამშრომლობის მემორანდუმი მსუბუქი მრეწველობის განვითარების პროგრამის ფარგლებში …