2022 წლის ბიუჯეტის ჩარჩო მშპ-ის 6.0%-იან ზრდას და 4.5%-იან დეფლატორს ემყარება

მთავრობამ პარლამენტს წარუდგინა 2022 წლის ბიუჯეტის პირველადი ვერსია, რომელიც მოიცავს 2021 წლის განახლებულ პარამეტრებსაც. Galt & Taggart-ის ინფორმაციით, 2022 წლის ბიუჯეტის ჩარჩო ემყარება მშპ-ის 6.0%-იან ზრდას და 4.5%-იან დეფლატორს (2021 წლის მშპ-ს ზრდის პროგნოზი ასევე გაიზარდა 9.5%-მდე წინა 7.7%-დან). სახელმწიფო ვალი 2022 წლისთვის მშპ-ს 52.1%-ზეა დაგეგმილი, თითქმის უცვლელი 2021 წლის მაჩვენებლიდან. აღსანიშნავია, საგადასახადო შემოსავლების 17.6%-იანი ზრდა, რაც მაკროპარამეტრებთან ერთად ასახავს COVID-თან დაკავშირებული საგადასახადო შეღავათების დასრულებას. 2022 წლისთვის მიმდინარე ხარჯები მშპ-ის 22.0%-მდე მცირდება კოვიდთან დაკავშირებული ხარჯების შემცირების გამო, ხოლო კაპიტალური ხარჯები კვლავ მაღალ დონეზეა დაგეგმილი და მშპ-ის 8.5%-ს შეადგენს. შედეგად, ფისკალური დეფიციტი 2020 წლს მშპ-ს 4.4%-ზეა დაგეგმილი და 2023 წლიდან მოსალოდნელია დეფიციტის მაჩვენებლის პანდემიამდელ დონესთან დაბრუნება.