რამდენი გადაწყვეტილება მიიღო სემეკმა 2022 წელს

25/07/2023 506 ნახვა

სემეკის 2022 წლის ანგარიშიდან ირკვევა, რომ გასულ წელს კომისიამ ჯამში 58 სხდომა გამართა. უნდა აღინიშნოს, რომ მოცემული სხდომების ფარგლებში სემეკმა 880 გადაწყვეტილება მიიღო. რაც შეეხება დადგენილებებს, კომისიის ინფორმაციით, 2022 წელს ჯამში 86 დადგენილება იქნა მიღებული. წელი დატვირთული იყოს ზეპირსიტყვიერი გადაწყვეტილებების მიღების მიმართულებითაც და მისმა რაოდენობამ 583 შეადგინა. შეგახსენებთ, რომ კომისიის მიერ მიღებული დადგენილებები და გადაწყვეტილებები ქვეყნდება ელექტრონულად კომისიის ოფიციალურ ვებგვერდზე: www.gnerc.org.

რაც შეეხება ინფორმაციის საჯაროობის ნაწილს. გასულ წელს სემეკს ჯამში 66 წერილობითი მოთხოვნა შევიდა. აქედან 50 სრულად დაკმაყოფილდა, 9 ნაწილობრივ დაკმაყოფილდა, ხოლო 7 არ დაკმაყოფილდა. როგორც კომისიაში აცხადებენ, ნაწილობრივ დაკმაყოფილება და უარის თქმა მოთხოვნის დაკმაყოფილებაზე გამოწვეული იყო მოთხოვნილი ინფორმაციის
კომისიაში არარსებობით, კონფიდენციალურობით ან შესაბამისი სამართლებრივი საფუძვლის არსებობით.

წელი ასევე დატვირთული იყო სემეკში არსებულ ქოლცენტრებში დაფიქსირებული ზარების კუთხითაც. უფრო კონკრეტულად, ელექტროენერგეტიკის, ბუნებრივი გაზისა და წყალმომარაგების საკითხებზე კონსულტაციების მიზნით, 2022 წლის განმავლობაში სემეკის ქოლცენტრში დაფიქსირდა 17 179 ზარი.

 

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.