1 639 სასტუმრო და 72.6 ათასი საწოლი ადგილი – რა შესაძლებლობა აქვს საქართველოს სტუმრების მისაღებად

27/08/2019 1,144 ნახვა

თბილისი (BPI) – 2018 წელს საქართველოში სასტუმროების რაოდენობა 2017 წელთან შედარებით 2,8%-ით გაიზარდა და 1 639 სასტუმროსა და სასტუმროს ტიპის დაწესებულება ფუნქციონირებდა.

საქსტატის მონაცემებით, სასტუმროს მომსახურებით დაკავებული იყო 1 541 ეკონომიკური სუბიექტი, მათი უმრავლესობის (58,3%) ორგანიზაციულ-სამართლებრივ ფორმა შპს-ეა.

სასტუმროების და სასტუმროს ტიპის დაწესებულებების 99.1% კერძო საკუთრებაში
იყო, 0.9% – სახელმწიფო საკუთრებაში.

2018 წელს საქართველოში მოქმედი სასტუმროებისა და სასტუმროს ტიპის დაწესებულებების
საერთო ფართობი 1 927.9 ათას კვ/მ-ია, 7.7%-ით მეტი ვიდრე 2017 წელს. იჯარით გაცემული იყო 70.5 ათასი კვადრატული მეტრი, ყველა ნომრის საცხოვრებელი ფართობი 958.6 ათას კვადრატულ მეტრს შეადგენდა, 8.7%-ით აღემატება წინა წლის მაჩვენებელს.

2018 წელს მოქმედ სასტუმროებსა და სასტუმროს ტიპის დაწესებულებებში ადგილების
საერთო რაოდენობამ 72.6 ათასი შეადგინა, მაჩვენებელი 2017 წელთან შედარებით 8.6%-ით არის გაზრდილი. ნომრების საერთო რაოდენობა გაიზარდა 8.2 პროცენტით და 33.2 ათასს
გაუტოლდა.

თეგები

შემთხვევითი სიახლე

ოლაფ შოლცი – რუსეთის მიერ უკრაინაში ახალი ბალისტიკური რაკეტის გამოყენება სახიფათო ესკალაციაა

რუსეთის მიერ უკრაინაში ახალი საშუალო მანძილზე მოქმედი ბალისტიკური რაკეტის გამოყენება სახიფათო ესკალაციაა, – BBC-ის ინფორმაციით, …