1-ელი თებერვლიდან, საქართველოში შემოსული მოქალაქეებისთვის რეგულაციები შემსუბუქდება

თბილისი (BPI) – ეკონომიკის მინისტრის ნათია თურნავას განცხადებით, 1-ელი თებერვლიდან, რეგულარული ფრენების ამოქმედების შემდეგ, საქართველოს მოქალაქეებისთვის რეგულაციები შემსუბუქდება.

მისი თქმით, საქართველოს მოქალაქეები, რომლებიც ქვეყანაში ბოლო 72 საათის განმავლობაში ჩატარებული „პისიარ“ ტესტის ნეგატიური პასუხით შემოვლენ, იმ შემთხვევაში თუ, ქვეყანაში დაბრუნებიდან მესამე დღეს, საკუთარი ხარჯებით ისევ გაიკეთებენ პისიარ ტესტს, 8 დღიანი თვითზილაციისგან გათავისუფლდებიან.

„1-ელი თებერვლიდან რეგულარული ფრენის ამოქმედებისას საქართველოს მოქალაქეებისათვის ხდება შემსუბუქება, კერძოდ, მათ ექნებათ არჩევანის უფლება, შემოვიდნენ ქვეყანაში ნეგატიური პისიარ ტესტით და ძველებურად 8 დღიან თვითიზოლაციაში გადავიდნენ, ან თვითიზოლაციის ნაცვლად მესამე დღეს საკუთარი ხარჯით კიდევ ერთი პისიარ ტესტი ჩაიტარონ, ამ შემთხვევაში თავისუფლები არიან თვითიზოლაციისგან“,- აღნიშნა ეკონომიკის მინისტრმა.

ამასთან, ნათია თურნავს განცხადებით, საქართველოს იმ მოქალაქეებს, ვისაც ქვეყანაში შემოსვლისას არ ექნებათ ნეგატიური „პისიარ“ ტესტი, მათ 12 დღიანი თვითიზოლაციის ნაცვლად, 8 დღიანი თვითიზოლაცია დაუწესდებათ.

შემთხვევითი სიახლე

სემეკის ბიუჯეტის ზრდა ბუნებრივია, რადგან ბოლო 10 წელში მათი საქმიანობის არეალი გაზრდილია – ვახტანგ ჭარაია

“სემეკის საქმიანობა 2013 წელთან შედარებით დღეის მდგომარეობით გაცილებით გაზრდილია, შესაბამისად, მეტი თანხა რომ დაიხარჯება მათ …