ხაზინის ოპერაციები რეზერვების ზრდას ხელს უშლის

თბილისი (BPI) – სებ-ი რეზერვების შევსებას უკვე 2 ინსტრუმენტით განაგრძობს სავალუტო აუქციონით და ოფციონით. სებ-ის ინფორმაციით, დონე (USD 3.3 მლრდ), ამ დროისთვის სსფ-ის შეფასების მეტრიკას (100-150%) არ შეესაბამება. 94%-ია და რამდენიმე თვეში ქვედა ზღვარს უნდა მიუახლოვდეს.

სებ-ის “თვის მიმოხილვის” თანახმად, 2018 წლის დეკემბერში ოფიციალური საერთაშორისო რეზერვების მოცულობა USD 201.3 მლნ -ით გაიზარდა. საერთაშორისო რეზერვებზე ზრდის მიმართულებით იმოქმედა სავალუტო აუქციონებმა და მთავრობის მიერ მიღებულმა სესხებმა და გრანტებმა. მეორე მხრივ, საერთაშორისო რეზერვებზე კლების მიმართულებით იმოქმედა როგორც კომერციულ ბანკებთან, ასევე ხაზინასთან განხორციელებულმა ოპერაციებმა.

ზრდის 5-ჯერ დაბალი ტემპი აღინიშნა წინა საანგარიშო თვეს (12/2017). მთავარი წნეხი ბანკების უცხოური ვალუტის საკორესპონდენტო ანგარიშებზე ნაშთების შემცირებიდან წამოვიდა. რეზერვები სსფ-ის გაფართოებული დაფინანსების მექანიზმის ფარგლებში გადმორიცხულმა USD 42.4 მლნ -მ გაზარდა. ასევე აისახა ევროკომისიის გრანტები და საერთაშორისო საფინანსო ინსტიტუტების საინვესტიციო სესხები.