Business Political Insights BPI.GE
თბილისი (BPI) – სტუდენტები დაფინანსებას კერძო პროფესიულ სასწავლებლებშიც მიიღებენ. პრემიერმა აღიარა რომ მანამდე მოქმედი სისტემა დაფინანსებულიყო მხოლოდ სწავლა სახელმწიფო პროფსასწავლებელში არასწორი იყო.
ცვლილებების თანახმად, სასწავლებლები ვაუჩერულ დაფინანსებას მიიღებენ.
“კერძო პროფესიულ სასწავლებლებში გამოცდების ეროვნული ცენტრის გამოცდების შედეგებით ჩარიცხული სტუდენტები სახელმწიფოს მხრიდან ვაუჩერულ დაფინანსებას მიიღებენ“, – განაცხადა მამუკა ბახტაძემ.
პრემიერის თქმით, ამასთან ერთად, იგეგმება პროფესიული სასწავლებლების მასწავლებლების ანაზღაურების 30%-ით გაზრდა. მთავრობის მეთაურმა აღნიშნა, რომ პროფესიული სწავლების მიმართულებით მთავრობა გერმანიის, შვეიცარიისა და ავსტრიის გამოცდილებას ეყრდნობა, რომელთაც ძლიერი პროფესიული განათლების სისტემის შექმნა სწორედ სახელმწიფო და კერძო სექტორის აქტიური თანამშრომლობით შეძლეს.
