სემეკში განხილული საკითხების უმრავლესობა შეეხებოდა გამანაწილებელ ქსელზე მიერთების ვადებს, ასევე აბონენტებსა და კომპანიებს შორის არსებულ დავებს

კომისიამ განიხილა საკითხი „ელექტროენერგიის გამანაწილებელი ქსელის წესების დამტკიცების შესახებ კომისიის #19 დადგენილებაში ცვლილების შეტანის თაობაზე“ საჯარო წარმოების დაწყების შესახებ. კომისიაში მოსაზრებების წარმოდგენის ბოლო ვადად განისაზღვრა 2022 წლის 17 თებერვალი. ხოლო დადგენილების გამოცემის ვადად – 20 აპრილი.

ასევე, კომისიამ განიხილა საკითხი “ელექტროენერგიის საცალო ბაზრის წესების დამტკიცების შესახებ“ კომისიის #47 დადგენილებაში ცვლილების შეტანის შესახებ“ კომისიის დაგენილების გამოსაცემად საჯარო წარმოების დაწყების თაობაზე. კომისიაში წინადადებების წარმოდგენის ვადად განისაზღვრა 20 თებერვალი. ხოლო დადგენილების გამოცემის ვადად – 31 მარტი.