საქართველოს ავიაბაზარზე ახალი მოთამაშე Qazaq Air-ი გამოჩნდება

06/03/2019 1,593 ნახვა

თბილისი (BPI) – საქართველოს ავიაბაზარზე მალე ახალი მოთამაშე გამოჩნდება. ყაზახეთიდან საქართველოს მიმართულებით ავიარეისებს Qazaq Air-ი გეგმავს. ავიაკომპანიას საერთაშორისო ავიარეისების განხორციელების უფლება ყაზახეთის სამოქალაქო ავიაციის უწყებამ უკვე მისცა.

იმ საერთაშორისო მიმართულებებს შორის, სადაც სამომავლოდ Qazaq Air-იგეგმავს ოპერირებას თბილისიცაა. უფრო კონკრეტულად Qazaq Air-ი თბილისის მიმართულებით ფრენებს აქთაუდან და ატირაუდან გეგმავს.

აღსანიშნავია, რომ ავიაკომპანია Qazaq Air-ი 2015 წლის აპრილში დარეგისტრირდა. ავიაკომპანიის 100%-იანი წილი SOVEREIGN WEALTH FUND “SAMRUK-KAZYNA”-ის საკუთრებაა.

Qazaq Air-ი ოპერირებას მხოლოდ Bombardier-ის ტიპის საჰაერო ხომალდებით ახდენს.

შემთხვევითი სიახლე

სემეკსა და რუმინეთის ენერგეტიკის მარეგულირებელ ორგანოს შორის ურთიერთთანამშრომლობის მემორანდუმი გაფორმდა

საქართველოს ენერგეტიკისა და წყალმომარაგების მარეგულირებელ ეროვნულ კომისიასა (სემეკ) და რუმინეთის ენერგეტიკის მარეგულირებელ ორგანოს შორის ურთიერთთანამშრომლობის …