Business Political Insights BPI.GE
თბილისი (BPI) – თბილისის მერია თანამედროვე სტანდარტების ბიბლიოთეკების აშენებას გეგმავს. მერის მოადგილე ამ მიმართულებით სიახლეებს აანონსებს.
სოფიო ხუნწარიას განმარტებით, ამჟამად მიმდინარეობს რეფორმა და მის ფარგლებში 320-ვე ბიბლიოთეკარი შეინარჩუნებს სამსახურს. გარდა ამისა, დაიწყება წიგნის საცავების მოწესრიგება, ხოლო მოგვიანებით ბიბლიოთეკების სარემონტო სამუშაოები.
„საუბარია წიგნადი ფონდების შევსებაზეც. მიუხედავად იმისა, რომ მედიათეკები მულტიფუნქციურია და მულტიმედიურია, წიგნი არის მთავარი და ჩვენი პრიორიტეტია მკითხველთა რაოდენობა გავზარდოთ“, – აღნიშნა მერის მოადგილემ.
