ნეტო აღრიცხვის ქსელში ჩართული მიკროსიმძლავრის ელექტროსადგურების რაოდენობა გაიზარდა

15/08/2023 624 ნახვა

სემეკის მიერ გამოქვეყნებული ინფორმაციიდან ირკვევა, რომ ნეტო აღრიცხვის ქსელში ჩართული მიკროსიმძლავრის ელექტროსადგურების რაოდენობა გაიზარდა.  უფრო კონკრეტულად, დღეისთვის სისტემაში ჩართულია 911 მიკროსიმძლავრის ელექტროსადგური, ხოლო ქსელში ჩართული სადგურების ჯამური დადგმული სიმძლავრე 52 მეგავატს შეადგენს. როგორც ინფორმაციაში ვკითხულობთ,  “თელასის” გამანაწილებელ ქსელში ჩართულია – 267 ელექტროსადგური;  “ენერგო პრო ჯორჯიას” გამანაწილებელ ქსელში – 644 ელექტროსადგური.

რაც შეეხება დადგმულ სიმძლავრეებს კატეგორიების მიხედვით. სემეკის ინფორმაციით, “ენერგო პრო ჯორჯიასა” და “თელასი” გამანაწილებელ ქსელებში ჯამში საყოფაცხოვრებო მიმართულებით 535 მიკროსიმძლავრის ელექტროსადგური ოპერირებს, რომელთა საერთო დადგმული სიმძლავრე 5,535  მეგავატს შეადგენს. არასაყოფაცხოვრებო მიმართულებით კი ჯამში ამ ორი კომპანიიდან ოპერირებს 376 მიკროსიმძლავრის ელექტროსადგური, რომელთა საერთო დადგმული სიმძლავრე 46,407 მეგავატს შეადგენს.

მიმდინარე წლის მონაცემები ასევე გვიჩვენებს, რომ “ენერგო პრო ჯორჯიას” დადგმული სიმძლავრე ჯამში 31,253 მეგავატია, ხოლო “თელასის” დადგმული სიმძლავრის მაჩვენებელი 20,693 მეგავატს შეადგენს.

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.