ნათია თურნავა ევროპის საინვესტიციო ბანკის რეგიონული წარმომადგენლობის ხელმძღვანელს შეხვდა

28/07/2023 655 ნახვა

საქართველოს ეროვნული ბანკის პრეზიდენტის მოვალეობის შემსრულებელი, ნათია თურნავა ევროპის საინვესტიციო ბანკის (EIB) რეგიონული წარმომადგენლობის ხელმძღვანელს სამხრეთ კავკასიაში, მაჩიე ჩურას შეხვდა.

ნათია თურნავამ ისაუბრა მონეტარულ პოლიტიკასა და მიმდინარე მაკროეკონომიკურ ტენდენციებზე, ასევე, EIB-ის რეგიონულ წარმომადგენელს ეროვნული ბანკის მიერ გატარებული რეფორმები გააცნო.

ეროვნული ბანკის პრეზიდენტის მოვალეობის შემსრულებელმა მაჩიე ჩურას მადლობა გადაუხადა ევროპის საინვესტიციო ბანკს გაწეული დახმარებისთვის და აღნიშნა ევროპის საინვესტიციო ბანკთან თანამშრომლობის მნიშვნელობა.

“საქართველოს ეროვნული ბანკი მხარს უჭერს ქვეყნის მდგრად განვითარებაში ფინანსური სექტორის როლის გაძლიერებას. სწორედ EIB-ის ფინანსური მხარდაჭერით, ეროვნული ბანკი კლიმატის სცენარების ანალიზის ჩარჩოს შეიმუშავებს. პროექტი ითვალისწინებს საქართველოსთვის კლიმატის სცენარების შემუშავებას, ამ სცენარების პირობებში კომერციული ბანკების მოწყვლადობის შეფასებასა და კლიმატის სტრეს-ტესტირების ჩატარებას. პროექტი გასულ წელს დაიწყო და პირველ შედეგებს მიმდინარე წლის ბოლომდე ველოდებით. EIB-თან თანამშრომლობის ხელშეკრულება ზემოაღნიშნულ პროექტს და საქართველოს ფინანსური სისტემის “გამწვანების” მიმართულებით თანამშრომლობის სხვა საკითხებს მოიცავს. იმედი მაქვს, რომ EIB-თან მჭიდრო თანამშრომლობა მომავალშიც გაგრძელდება”, – განაცხადა ნათია თურნავამ.

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.