ლუდი Corona კორონავირუსით მიყენებულ დანაკარგებს ითვლის

28/02/2020 2,796 ნახვა

ლუდი Corona-ს მწარმოებელი კომპანია ბოლო 10 წლის განმავლობაში ყველაზე მძიმე კვარტლის წინაშე დგას. ამის შესახებ ბრიტანული გამოცემა Independent იუწყება.

გამოცემის ცნობით, ბოლო ორი თვის განმავლობაში, მას შემდეგ, რაც ჩინეთში კორონა ვირუსის პირველი შემთხვევა გამოვლინდა, ქვეყნის მასშტაბით კომპანიამ 170 მლნ დოლარი იზარალა. სწორედ იმ დროს, როდესაც Anheuser-Busch In Bev ჩინური ახალი წლის გამო გაყიდვების ზრდას ელოდა.

კომპანიაში მიაჩნიათ, რომ მიღებული ზარალი ჩინეთში არსებულმა მდგომარეობამ გამოიწვია. კერძოდ, იმ ფაქტმა, რომ ვირუსის გავრცელების გამო მოქალაქეები გადაადგილებისგან თავს იკავებენ, არ დადიან რესტორნებში, ბარებსა, თუ ღამის კლუბებში.

Anheuser-Busch In Bev-ის აღმასრულებელმა დირექტორმა გამოცემა CNBC-თან აღნიშნა, რომ მათი ბიზნესი ბიზნესი რესტორნების, ღამის კლუბებისა, თუ ბარების გაყიდვებს ეფუძნება.

“მოქალაქეები კორონას ყიდულობდნენ მაშინ, როდესაც უბრალოდ მეგობრებთან ერთად დროის გატარება სურდათ. ახლა ეს ყველაფერი რიგზე აღარაა. მდგომარეობის გამოსწორებას მაშინ ველოდებით, როდესაც ჩინეთში კორონა ვირუსის გამო ასეთი ვითარება აღარ იქნება.“

ცნობისთვის, კომპანია Anheuser-Busch In Bev- ს აქვს მსოფლიოში ყველაზე ცნობილი ლუდის ბრენდები, მათ შორის Budweiser, Stella Artois, Beck’s and Corona.

ბიზნესპარტნიორი

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.