თიბისიმ ობლიგაციების ახალ ემისიაზე განაცხადა

თბილისი (BPI) –  თიბისიმ  125 მლნ-ის დამატებით ემისიაზე განაცხადა, რომელიც ემიტირებულ $300 მლნ ობლიგაციებთან ერთად, ირლანდიის ბირჟაზე დაილისტება, – უვადო ობლიგაციების 10.75%-ად შეთავაზების თაობაზე ბანკის გენერალურმა დირექტორმა ვახტანგ ბუცხრიკიძემ პრესკონფერნეციაზე განაცხადა.

თიბისი აშშ დოლარში დენომინირებულ, 300 მილიონის ღირებულების 5 წლიან, არაუზრუნველყოფილ ობლიგაციებს გამოუშვებს. 

აღნიშნულ ობლიგაციებზე ინვესტორების მხრიდან მაღალი, $700 მლნ დოლარზე მეტი მოთხოვნა დაფიქსირდა. თიბისი 5.75% წლიურ საპროცენტო განაკვეთს გადაიხდის,  რაც ისტორიულად, საქართველოდან გამოშვებულ ევრო ობლიგაციებზე ყველაზე დაბალი მაჩვენებელია.

დაგეგმილია ფასიანი ქაღალდების ერთდროულად განთავსება, როგორც ევროპის წამყვან, ირლანდიის, ისე საქართველოს საფონდო ბირჟაზე, რაც უპრეცედენტო შემთხვევაა ქართული  ბირჟის და საბანკო სექტორის ისტორიაში. ბანკში ამბობენ, რომ ევრო ობლიგაციების ადგილობრივი განთავსება ხელს შეუწყობს საქართველოს ფასიანი ქაღალდების ბაზრის განვითარებას. 

„მოხარული ვართ, რომ საქართველოს უმსხვილესი ბანკი, პირველად, თიბისის ისტორიაში ფასიანი ქაღალდების საერთაშორისო ბაზარზე განთავსებას განახორციელებს. თიბისის მიერ მოზიდული $300 მლნ დოლარი ქართული მცირე და საშუალო ბიზნესის დაფინანსებას მოხმარდება და ხელს შეუწყობს საქართველოს ეკონომიკის განვითარების მზარდ ტემპს“, – განაცხადა თიბისი ბანკის გენერალურმა დირექტორმა, ვახტანგ ბუცხრიკიძემ.

ტრანზაქციის განხორციელებას უზრუნველყოფენ მსოფლიოს წამყვანი საინვესტიციო ბანკები:  J.P. Morgan, Renaissance Capital და UBS Investment Bank, თიბისი ბანკის შვილობილ კომპანია – თიბისი კაპიტალთან ერთად.  Baker & McKenzie და  Dentons Georgia მოქმედებენ, როგორც თიბისი ბანკის იურიდიულ მრჩევლები, ხოლო LATHAM & WATKINS და BGI Advisory Services Georgia ორგანიზატორი ბანკების ინტერესებს წარმოადგენენ. 

სი თქმით ინვესტორების მხრიდან მოთხოვნა გაორმაგებულია.

წინა ემისიაზე მოთხოვნა $700 მლნ-ზე მეტი იყო.