თბილისსა და ვორონეჟს შორის პირდაპირი ავიარეისები იწყება

თბილისი (BPI) – თბილისსა და ვორონეჟს შორის პირდაპირი ავიარეისები იწყება. მარშრუტზე ოპერირებას ქართული ავიაკომპანია Georgian Airways-ი აპრილიდან დაიწყებს.

ვორონეჟიდან საქართველოსა და კიდევ რამდენიმე მიმართულებით ფრენების დაწყების საკითხზე ვორონეჟში გამართულ ბიზნეს-ფორუმზე იმსჯელეს.

წინასწარი ინფორმაციით, Georgian Airways-ი თბილისი-ვორონეჟის მარშრუტზე ფრენებს კვირაში ორი სიხშირით, ყოველ ორშაბათსა და პარასკევს, განახორციელებს.

როგორც რუსული მედია წერს, ამ დროისათვის ავიარეისების დაწყების ზუსტი თარიღი, დრო და ავიაბილეთების ფასი უცნობია და მოგვიანებით დაზუსტდება.