ელექტროენერგიის საცალო მიწოდების ბაზარი მაღალკონცენტრირებულია – სემეკი

სემეკის მიერ გამოქვეყნებული ინფორმაციიდან ირკვევა, რომ  ელექტროენერგიის საცალო მიწოდების ბაზარი მაღალკონცენტრირებულია. უფრო კონკრეტულად, 2022 წელს  სს „ეპ ჯორჯია მიწოდების“ საბაზრო წილი 57.5%-ს შეადგენდა, ხოლო შპს „თბილისის ელექტრომიმწოდებელი კომპანიის“ წილი – 42.5%-ს.

უშუალოდ სს „ენერგო-პრო ჯორჯიას“ არეალში საყოფაცხოვრებო მომხმარებლების მოხმარებამ საანგარიშო წელს მთლიანი მოხმარების 42% შეადგინა, ხოლო არასაყოფაცხოვრებო მომხმარებლების მოხმარებამ – 58%. გასულ წელს, 2021 წელთან შედარებით, „ენერგო-პრო ჯორჯიას“ განაწილების არეალში საყოფაცხოვრებო მომხმარებლების მიერ მოხმარებული ელექტროენერგიის ოდენობა 2.4 %-ით გაიზარდა, ხოლო არასაყოფაცხოვრებო მომხმარებლების მიერ მოხმარებული ელექტროენერგიის ოდენობა 5%-ით შემცირდა.

რაც შეეხება თელმიკოს. სემეკის მიერ გამოქვეყნებული ინფორმაციის მიხედვით, 2022 წელს „თელმიკოს“ არეალში მოხმარების 62% – არასაყოფაცხოვრებო, ხოლო 38% საყოფაცხოვრებო მომხმარებლებზე მოდიოდა. არასაყოფაცხოვრებო მომხმარებლების მიერ მოხმარებული ელექტროენერგიის რაოდენობა წინა წელთან შედარებით 5.5%-ით, ხოლო 2020 წელთან შედარებით 18%-ით არის გაზრდილი.

შემთხვევითი სიახლე

სემეკისა და იუსტიციის სახლის ერთობლივი პროექტის ფარგლებში მელიორაციის მომსახურებების მიღება იუსტიციის სახლშია შესაძლებელი

საქართველოს ენერგეტიკისა და წყალმომარაგების მარეგულირებელი ეროვნული კომისიისა (სემეკ) და იუსტიციის სახლის ერთობლივი პროექტის ფარგლებში, დღეიდან …