ელექტროენერგეტიკულ სექტორში 26 ლიცენზიანტი ოპერირებდა – რა მოცულობის ენერგიის დანაკარგი ჰქონდა სექტორს 2022 წელს

03/08/2023 558 ნახვა

სემეკის 2022 წლის საქმიანობის ანგარიშიდან ირკვევა, რომ გასულ წელს ელექტროენერგეტიკულ სექტორში ჯამში 26 ლიცენზიანტი ოპერირებდა. მათ შორის, წარმოების მიმართულებით ბაზარზე 21 ოპერატორი ფუნქციონირებდა, ენერგიის განაწილების მიმართულებით 2 კომპანია, გადაცემის მიმართულებით 1, ხოლო ბაზრის ოპერირების კუთხით 2 კომპანია.

სემეკში აცხადებენ, რომ საანგარიშო წელს კომისიის მიერ ლიცენზირებასთან დაკავშირებით მომზადდა გადაწყვეტილება, კერძოდ: საქართველოს ენერგეტიკისა და წყალმომარაგების მარეგულირებელი ეროვნული კომისიის 2021 წლის 13 მაისის №20/6 გადაწყვეტილებით შევიდა ცვლილება სს „სვანეთი ჰიდროზე“ გაცემულ ელექტროენერგიის წარმოების ლიცენზიაში და ამოღებულ იქნა „მესტიაჭალა ჰესი 1″.

რაც შეეხება ელექტროენერგიის დანაკარგების მოცულობის ნაწილს. დოკუმენტის მიხედვით, საანგარიშო წელს ელექტროენერგიის გადამცემ და გამანაწილებელ ქსელში ფაქტობრივმა ჯამურმა დანაკარგმა შეადგინა 6.08%. ქსელში ჯამურად მიღებული ელექტროენერგიის რაოდენობასთან მიმართებაში (გადამცემ ქსელში – 1.97%, განაწილების ქსელში – 4.11%). აღნიშნული მაჩვენებელი 6.47 %-ით არის გაუარესებული წინა 2021 წლის მაჩვენებელთან შედარებით.

აქვე უნდა აღინიშნოს, რომ გასულ წელს  სს „ენერგო-პრო ჯორჯიას“ ქსელში ფაქტობრივმა დანაკარგმა 570 გვტ.სთ შეადგინა, რაც ქსელში მიღებული ელექტროენერგიის 9.99%-ს შეადგენს და აღემატება დადგენილ ნორმატიულ ნორმას (9.80%). 2021 წელს კომპანიის ფაქტობრივმა დანაკარგმა ქსელში მიღებული ელექტროენერგიის 9.83% შეადგინა, შესაბამისად, საანგარიშო წელს იგი უმნიშვნელოდ, 1.6 %-ით არის გაზრდილი.

რაც შეეხება სს „თელასს“, კომპანიის ფაქტობრივმა დანაკარგმა 2022 წელს ქსელში მიღებული ელექტროენერგიის 6.07% შეადგინა, რაც 2021 წლის მონაცემზე 2-ჯერ მეტია (გამოწვეულია
მრიცხველების ბლოკური წაკითხვიდან ციკლურზე გადასვლით), ხოლო 2020 წლის მონაცემზე –8.9%-ით.

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.