Business Political Insights BPI.GE
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია თბილისის ადგილობრივი ეკონომიკური განვითარების ფორუმზე სიტყვით წარდგა და ენერგეტიკაზე, ეკონომიკის განვითარების ხელშემწყობ ფაქტორებსა და არსებულ გამოწვევებზე ისაუბრა. სემეკის თავმჯდომარემ მოდერატორობა გაუწია “მწვანე ეკონომიკის” სესიას, სადაც ყურადღება გაამახვილა ადგილობრივი ენერგო წარმოების განვითარების მნიშვნელობასა და მის სოციალურ-ეკონომიკურ ეფექტიანობაზე.
თბილისის ადგილობრივი ეკონომიკური განვითარების მე-12 ფორუმის – „მდგრადი ეკონომიკური აღდგენა“ ფარგლებში ოთხი სესია გაიმართა, რომლებშიც მონაწილეობა მიიღეს სხვადასხვა უწყებების წარმომადგენლებმა და ექსპერტებმა. თემატიკა შეეხებოდა მწვანე ეკონომიკას, მიგრაციის ეკონომიკურ გავლენებს, სესიებზე განიხილეს ინვესტირების აუცილებლობა, სოციალური პოლიტიკა და ურბანული სიღარიბის შემცირება და სხვა მნიშვნელოვანი საკითხები.
