გაზის ტარიფის ზრდის მოლოდინი არ არსებობს – დავით ნარმანია

07/09/2023 519 ნახვა

სემეკის თავმჯდომარემ დავით ნარმანია “საქმიანი დილის” ეთერში განაცხადა, რომ არსებულ რეალობაში გაზის ტარიფის ზრდის მოლოდინი არ არსებობს. მისივე თქმით, ტარიფის უცვლელად დატოვების ერთ-ერთი მთავარი მიზეზი ლარის კურსის სტაბილური მდგომარეობაა. შესაბამისად, წლის ბოლოს ბუნებრივი აირის სამომხმარებლო ტარიფის ცვლილება არ იგეგმება.

“ბუნებრივი აირის სამომხმარებლო ტარიფი მოსახლეობისთვის ხუთი წლით არის დადგენილი. ჩვენ გამოვიყენეთ იმ პერიოდისთვის არსებული ლარის გაცვლითი კურსი დოლართან მიმართებით, რომელიც მნიშვნელოვნად არ განსხვავდება დღევანდელი კურსისგან. ამიტომ, კომისია გაზის სამომხმარებლო ტარიფის გადახედვას არ აპირებს და არც შემცირებას, თუმცა არც ზრდის მოლოდინი არ არის. იცით, რომ ვალუტის კურსი გარკვეული მერყეობით ხასიათდება და განსაკუთრებით შემოდგომა/ზამთრის პერიოდში შესაძლოა გაიზარდოს. აქედან გამომდინარე, საშუალო და გრძელვადიანი პერიოდისთვის ვუყურებთ ვალუტის კურსს და მის გავლენას სამომხმარებლო ტარიფზე. ამიტომ, ამ ეტაპზე არ ვფიქრობთ, რომ ბუნებრივი აირის ტარიფი გადაიხედოს”,– განაცხადა დავით ნარმანიამ. 

აქვე იმასაც შეგახსენებთ, რომ სემეკს გაზის არსებული ტარიფი 2027 წლამდე აქვს დადგენილი.

შემთხვევითი სიახლე

მარიამ ქვრივიშვილი: ფრანგული Groupe ADP, რომლის მფლობელობაშიცაა თბილისის საერთაშორისო აეროპორტის მმართველი კომპანია „ტავ ჯორჯია“, საქართველოს სახელმწიფოსთან შეთანხმებით, აეროპორტის ოპერირებას განახლებული პირობებით, 5 წლით გააგრძელებს

ეკონომიკისა და მდგრადი განვითარების მინისტრმა მარიამ ქვრივიშვილმა პრემიერ-მინისტრ ირაკლი კობახიძესთან ერთად მონაწილეობა მიიღო საქართველოს აეროპორტების …