აჭარის 2023 წლის რესპუბლიკური ბიუჯეტი იზრდება – პირველად რეგიონის ისტორიაში ბიუჯეტი 600 მლნ ლარს გადააჭარბებს

აჭარის ა.რ 2023 წლის რესპუბლიკური ბიუჯეტის ასიგნებები 600 589 400 ლარით განისაზღვრა და პირველად რეგიონის ისტორიაში ბიუჯეტი 600 მილიონ ლარს გადააჭარბებს.
📈გადასახდელების საპროგნოზო მაჩვენებელი 65 040 000 ლარით იზრდება.
📈ბიუჯეტის შემოსულობების საპროგნოზო მაჩვენებელი 47 640 000 ლარით იზრდება და 560 189 400 ლარს შეადგენს.
🔹აჭარის ა.რ 2023 წლის რესპუბლიკური ბიუჯეტის შესახებ კანონში შესატანი ცვლილებების პროექტი აჭარის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტს აჭარის ფინანსთა და ეკონომიკის მინისტრმა ჯაბა ფუტკარაძემ წარუდგინა.
🖊ფინანსური დოკუმენტის ცვლილების მიხედვით იზრდება მხარჯავი დაწესებულებების დაფინანსება:
➡აჭარის ფინანსთა და ეკონომიკის სამინისტრო – 2 964 600 ლარით
➡აჭარის ჯანმრთელობისა და სოციალური დაცვის სამინისტრო – 7 300 000 ლარით
➡აჭარის განათლების, კულტურისა და სპორტის სამინისტრო – 11 683 400 ლარით
➡საერთო რესპუბლიკური მნიშვნელობის გადასახდელები – 43 092 000 ლარით
📊2023 წლის რესპუბლიკური ბიუჯეტის გადასახდელები მხარჯავი დაწესებულებების მიხედვით გადანაწილდა:
➡აჭარის ავტონომიური რესპუბლიკის უმაღლესი საბჭო – 7 125 900 ლარი
➡აჭარის ავტონომიური რესპუბლიკის მთავრობა – 5 456 700 ლარი
➡აჭარის ფინანსთა და ეკონომიკის სამინისტრო – 136 448 200 ლარი
➡აჭარის ჯანმრთელობისა და სოციალური დაცვის სამინისტრო – 40 535 000 ლარი
➡აჭარის განათლების, კულტურისა და სპორტის სამინისტრო – 117 130 200 ლარი
➡აჭარის სოფლის მეურნეობის სამინისტრო – 29 531 000 ლარი
➡საერთო დანიშნულების რესპუბლიკური გადასახდელები- 262 756 200 ლარი