აჭარის ტურისტული პროდუქტების წარმოსაჩენად საიმიჯო ფოტობაზის განახლება მიმდინარეობს

რეგიონის მრავალფეროვანი ტურისტული პროდუქტების წარმოჩენის მიზნით აჭარის ტურიზმის დეპარტამენტი საიმიჯო ფოტობაზას ანახლებს. ფოტოგადაღებებში ორი ცნობილი ფოტოგრაფია ჩართული, რაც ერთის მხრივ აჭარის, როგორც ოთხი სეზონის ტურისტული მიმართულების წარმოჩენას, მეორეს მხრივ კი აჭარული სამზარეულოს პოპულარიზაციას ემსახურება.

აჭარული სუფრისა და გასტრონომიის გადაღებებისას ფოტოგრაფის ობიექტივში  15-მდე აჭარული კერძი, ავთენტურ გარემოში გაშლილი ქართული სუფრა, თევზის ნატურმორტი, მანდარინობის რთველი და თევზაობის პროცესი მოხვდა. რეგიონის სარეკლამო-საიმიჯო ფოტოგადაღებისას კი აქცენტი აჭარის სამთო, საზღვაო, ეკო და სათავგადასავლო ტურისტული პროდუქტებზე გაკეთდა. გადაღებები ბათუმში, ბოტანიკურ ბაღში, რეგიონის ეროვნულ პარკებსა და აჭარის ტურისტულად აქტიურ სოფლებში ივლისიდან მიმდინარეობს. განახლებული საიმიჯო ფოტოებით აჭარის პოპულარიზაცია საერთაშორისო მედიასაშუალებებსა და ონლაინ პლატფორმებზე 2022 წლიდან იგეგმება.

 

შემთხვევითი სიახლე

რა თემებზე იმსჯელეს სემეკის საჯარო სხდომაზე

სემეკში გამართულ საჯარო სხდომაზე კომისიამ დღის წესრიგით გათვალისწინებული საკითხები განიხილა. კომისიამ იმსჯელა ელექტროენერგიის, ბუნებრივი გაზისა …