ბრიტანეთმა მგზავრებს შესაძლოა თვითმფრინავის ბორტზე დიდი მოცულობით სითხის ატანის შესაძლებლობა მისცეს

თბილისი (BPI) – ბრიტანეთის მთავრობა განიხილავს, რომ მგზავრებს ბორტზე დიდი მოცულობით სითხისა და პერსონალური კომპიუტერის ატანის ნებართვა მისცეს, აღნიშნულ ინფორმაციას theuk.one ავრცელებს.

მთავრობის გადაწყვეტილება განპირობებულია უახლესი ტექნოლოგიის შექმნით, რომელიც ბარგის შემოწმებისა და დოკუმენტების გადამოწმების პროცესს აჩქარებს.

3D-სკანერები უკვე გამოჩნდა ლონდონის ჰითროუს აეროპორტში. მთლიანობაში დიდი ბრიტანეთის ტერიტორიაზე განთავსებული აეროპორტების აღჭურვა თანამედროვე სკანერებით 3 წელიწადში დასრულდება. ეს პროცესი კი ბორტზე გარკვეული ნივთების ატანის აკრძალვის გაუქმების წინაპირობა გახდება. დიდი ბრიტანეთის აეროპორტებში თვითმფრინავის ბორტზე კომპიუტერული ტექნიკისა და დიდი მოცულობით სითხის ატანა 2026 წლიდან იქნება ნებადართული.

შემთხვევითი სიახლე

მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს

თბილისი (BPI) – მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან  ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები“, – განაცხადა ნათია თურნავამ. ეკონომიკის მინისტრის თქმით, პრემიერ-მინისტრთან ერთად, პრაქტიკულად, ყოველდღიურ რეჟიმში მიმდინარეობს განხილვა, თუ როგორ მოხდეს თითოეული დარგის მართვა კიდევ უფრო ეფექტიანად არსებული სტრუქტურის ფარგლებში. …