ამერიკული Trammo ბათუმის პორტში $20 მლნ-ის ინვესტირებას გეგმავს

თბილისი (BPI) – ამერიკული კორპორაცია Trammo საქართველოში 20 მლნ დოლარის ინვესტიციას განახორციელებს და ბათუმის პორტში ახალ ტერმინალს ააშენებს, რომელიც აზიიდან მიღებულ პროდუქციას ბათუმის პორტის გავლით ევროპულ ბაზართან დააკავშირებს.

დეტალები პარლამენტის თავმჯდომარე არჩილ თალაკვაძემ აშშ-ში, ნიუ იორკში ამერიკული კორპორაცია Trammo-ს აღმასრულებელ დირექტორსა და მმართველი საბჭოს წევრებთან შეხვედრაზე განიხილა.

Trammo-ს აღმასრულებელმა დირექტორმა ედვარდ ვეინერმა განაცხადა, რომ ინვესტიციის ჩადების გადაწყვეტილება საქართველოს გეოსტრატეგიული პოზიციის, ბიზნესისთვის მიმზიდველი გარემოს და ქვეყნის სტაბილური მმართველობის გამო მიიღეს.

Forbes-ის მონაცემებით Trammo ამერიკის უმსხვილესი  კომპანიების რეიტინგში 58-ე ადგილს იკავებს.

შემთხვევითი სიახლე

მუზეუმია ჩარჩოების გარეშე – საქართველოს ბანკი და SOLO ახალ პროექტ HOLOSEUM-ს იწყებს

თბილისი (BPI) – საქართველოს ბანკი და SOLO ხელოვნების მხარდაჭერისა და პოპულარიზაციის მიზნით ჰოლოგრამების მუზეუმის იდეის …