Business Political Insights BPI.GE
კალიფორნიულმა სტარტაპმა Galactic Resource Utilisation Space (GRU) ამბიციური პროექტის შესახებ განაცხადა: კომპანია 2032 წლისთვის მთვარეზე მსოფლიოში პირველი მუდმივმოქმედი სასტუმროს აშენებას გეგმავს.
სასტუმროს მშენებლობისთვის გამოყენებული იქნება ინოვაციური მიდგომა — ნაგებობის ასაგებად პირდაპირ ადგილობრივ რესურსს, მთვარის რეგოლითს (მთვარის მტვერი და ქანები) და ავტომატიზებულ მოდულურ სისტემებს გამოიყენებენ. პროექტის სატესტო მისია 2029 წლისთვის არის დაანონსებული.
მიუხედავად იმისა, რომ მშენებლობამდე რამდენიმე წელი რჩება, პროექტმა ინვესტორების დიდი ინტერესი უკვე გამოიწვია. ნომრების წინასწარი დაჯავშნა უკვე დაწყებულია. მსურველებს ადგილის დასაბევებლად 1 მილიონი აშშ დოლარის ოდენობის დეპოზიტის შეტანა უწევთ.
ეს პროექტი კოსმოსური ტურიზმის განვითარებაში ახალ ეპოქას ნიშნავს, სადაც მთვარე არა მხოლოდ სამეცნიერო კვლევების ობიექტი, არამედ მუდმივი საცხოვრებელი და დასასვენებელი ადგილი გახდება.
