TIDA-ს ფარგლებში მონაცემთა ანალიტიკის შესახებ ონლაინ სესიები გაიმართება

თბილისი (BPI) – თიბისის მხარდაჭერით, TIDA-ს (Tblisi International Data Analytics) ფარგლებში, ონლაინ სესიების სერია იწყება. პირველი ასეთი ონლაინ შეხვედრა მონაცემთა ანალიტიკით დაინტერესებული პირებისთვის 2 და 3 თებერვალს, Zoom-ში გაიმართება და მას თიბისის ანალიტიკური ტრანსფორმაციის პროექტის ლიდერი, მარიამ ლელაშვილი გაუძღვება.

ორი დღის განმავლობაში, აუდიტორიას შესაძლებლობა ექნება შემდეგ თემებზე მიიღოს ინფორმაცია: „პრეზენტაციის მოსამზადებლად აუცილებელი ნაბიჯები“; „როგორ ვაქციოთ მშრალი მონაცემები საინტერესო ამბად“. თეორიული ნაწილის გარდა, სესიის ბოლოს მონაწილეებს შესაძლებლობა ექნებათ, შეასრულონ პრაქტიკული სავარჯიშოები.

TIDA-ს ონლიან სესიაზე დასწრება უფასოა. დაინტერესებულ პირებს რეგისტრაციის გავლა ონლაინ, შემდეგ ბმულზე შეუძლიათ, რის შემდეგაც ისინი მონაწილეობისთვის საჭირო მონაცემებს ელექტრონულ ფოსტაზე მიიღებენ.

TIDA ბიზნესმონაცემთა ანალიტიკის პირველი კონფერენციაა რეგიონში და მის მიზანს მონაცემთა ანალიტიკის პროფესიონალებისა და ანალიტიკის გამოყენებით დაინტერესებული ბიზნესების წარმომადგენლების გაერთიანება წარმოადგენს, საერთაშორისო მასშტაბით. TIDA-ს ფარგლებში განიხილება, როგორ უნდა შექმნას ბიზნესმა რეალური ღირებულების მომტანი ანალიტიკა. კონფერენციის, ისევე როგორც ონლაინ სესიების მიზანი თემის გარშემო არსებული უახლესი ინფორმაციის გაზიარება და გაცვლაა. TIDA-ს მხარდამჭერია თიბისი.

შემთხვევითი სიახლე

საქართველოს ბანკის პარტნიორობით თბილისმა წიგნის მსოფლიო დედაქალაქის სტატუსი გადმოიბარა

საქართველოს ბანკი ქვეყნისათვის მნიშვნელოვანი პროექტების მხარდაჭერას განაგრძობს. ბანკთან პარტნიორობით წიგნისა და საავტორო უფლებების დღეს თბილისმა …