IFC–ი მცირე და საშუალო ბიზნესს 18,5 მლნ ევროთი დააფინანსებს

21/04/2020 693 ნახვა

თბილისი (BPI) – საერთაშორისო საფინანსო კორპორაციამ (IFC) 18,5 მილიონი ევროს ინვესტიცია განახორციელა სამხრეთ–აღმოსავლეთ ევროპის ფონდში (European Fund for Southeast Europe – EFSE).

რესურსს ევროპისა და ცენტრალური აზიის თოთხმეტ ქვეყანაში მიკრო, მცირე და საშუალო ბიზნესის დასაფინანანსებლად გამოიყენებენ.

სესხების გაცემა ბანკებისა და მიკროსაფინანსო ორგანიზაციების მეშვეობით განხორციელდება. EFSE რეგიონში მიკრო, მცირე და საშუალო ბიზნესის უმსხვილესი დამფინანსებელია.

რესურსით რეგიონის მიკრო, მცირე და საშუალო ბიზნესი და ის მსესხებლები ისარგებლებენ, ვისთვისაც დაფინანსება ნაკლებად ხელმისაწვდომია.

კვლევების თანახმად, ევროპისა და ცენტრალური აზიის რეგიონში მიკრო, მცირე და საშუალო ბიზნესის 27%-ის ფინანსური საჭიროებები არ ფინანსდება და ეს დეფიციტი რეგიონის მასშტაბით $740 მილიარდ აშშ დოლარს შეადგენს. IFC–ის ინვესტიცია ბაზრის კონკურენტუნარიანობის ამაღლებას და ინოვაციური ფინანსური პროდუქტების გამოყენებას შეუწყობს ხელს.

საფინანსო ინსტიტუტის განმარტებით, მცირე საწარმოებს ახლა გადაუდებელი დახმარება სჭირდება, რათა ოპერირება განაგრძონ და სამუშაო ადგილები შეინარჩუნონ.

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.